Madera Cafe

营业中

休息中

作为港岛东人，筲箕湾东大街当然系我饭堂。不过成条街咁多食肆，都无间似样少少嘅café。住咗咁多年，终于俾我等到佢喇 – Madera Café!间野0系东大街尾，穿过左最熙攘果段路就会见到。可能早上条街无乜人，加上自己放假心情轻松，配埋店面落地玻璃，甫入到门口，见到琳琳种种面包糕点排得令令仔仔，加上店员亲切嘅礼貌早晨，「在晴朗的一天出发」咪就系咁啰，嘅relax又有朝气。讲番食物，呢间café原来有唔少芝麻同玉桂嘅野食，咁岩呢2样我都唔好，所以都系叫左d大路野。首先有火腿芝士牛角包，我对牛角包要求好高。第一，包serve到我面前一定要热得黎入到口。第二，皮要脆。第三，包身要松软。呢3点Madera Café都掌握得到。加上芝士半溶湿湿地blend入包度，食落刚刚好，唔错唔错﹗ 我仲叫左杯热朱 ，个人偏好唔钟意太甜太多cream，呢杯正合我心意。有可可香但不致太腻，系少数我会饮哂落肚嘅。同场加映友人order嘅心太软。好食，但伴碟嘅雪糕抢镜d﹗系椰子味(但啡色的，估你唔到﹗)总体黎讲，系一个愉快既早餐。如果上菜可以快番少少会更加match香港人急促嘅生活节奏。