九龍粉麵 (已結業)

发觉湾仔好多跨区食店，有九龙城墨丸又有元朗猪杂，今次食呢间就系九龙粉面😂 呢间舖面望落虽然冇乜特别，但禾秆冚珍珠，有唔少出色嘢食。当中最钟意系激罕牛沙瓜，其实即系牛胃其中之一，因为体积少来货少，所以市面都比较少见，而呢度嘅牛沙瓜焖到腍腍地又带点嚼口，卤水味都入味✨另外麻辣手撕鸡系列都系招牌菜，小食可拣肠粉，甜酱麻酱豉油，连埋炸酱同鸡丝众多配料，集成终极混酱肠粉，食唔到麻辣就可拣另上，听讲话个麻辣系正宗四川果只麻辣黎😂 饿嘅可以拣捞面，连个麻酱都系自家制，捞面一流✨最近出咗新产品白松露饺，响饺子馅加咗白松露油，阵味就冇黑松露咁抢而偏细腻，饺汤都系亮点鱼香鲜甜，值得一试✨