Hunky Dory

营业中

休息中

其实动物同人一样，如果成日留喺屋企都会冇乜精神。所以今次就带埋主子出嚟食番个晚餐。知道科学园戈边都有好多宠物友善嘅餐厅，于是乎就带埋我啲猫猫去食饭加散步下。科学园都好大，我就去到19W区嘅《Hunky Dory》，餐厅外面仲有个小草地啱哂宠物食完饭行下。香烤厚切猪鞍 $208依度菜式需要大约30分钟制作时间，记住去到嘅时候落咗单先，咁就唔会对时间失预算。见到真系好厚身嘅猪扒，选用咗连骨嘅部位。猪鞍面头烤到焦香，肉质软腍又多汁。三文鱼菠菜忌廉汁阔条面 $128新鲜嘅三文鱼两边香煎至微焦，切开三文鱼内层仲系微橙色，熟道就刚刚好。而阔条面亦都好挂汁，充满浓厚嘅菠菜忌廉味。自家制苹果批 $58苹果批上面有一个云呢拿雪糕，同苹果批嘅酸甜可以中和甜度，咁样就比较开胃啦。