初遇

营业中

休息中

下午茶一向比午餐抵食，精打细算嘅你，如果可以安排弹性午餐时间，不如等到下午茶时段，除咗悭钱，CP值仲非常高呢！下午茶抵食就系人都知，但位于粉岭，主打台菜嘅初遇，下午茶份量十足兼抵食，令人非常满足！花雕鸡卷卤肉饭配紫菜贡丸汤及地瓜酥下午茶嘅主食通常都会细份啲，但初遇𠮶碗卤肉饭大大碗，酱汁香浓，猪肉油香十足，配上两件带有淡淡酒香嘅花雕鸡，肉质嫩滑。另外，下午菜再配上紫菜贡丸汤同香脆嘅地瓜酥，你话系唔系份量十足兼抵食呢？初遇小食拼盘同朋友一齐share嘅最佳选择，当然系小食拼盘啦！精美嘅九宫格摆盘，上面放有盐酥鸡、牛肚、猪大肠、鸡卷、卤蛋、香肠、地瓜酥、脆鱼块、麻辣鸭血，可以一次过食匀多款台式小食。讲到我嘅头号最爱，就系超入味，嫩滑香浓嘅麻辣鸭血啦！好味到我哋要另外再encore多一份麻辣鸭血呢！夜市凤梨水果茶、台南凤梨乌龙茶下午茶嘅套餐仲可以以优惠价升级台式饮品，而近排天气热，最啱就系饮以台湾凤梨作主调嘅饮品，配上茶底，两款饮品都唔会太甜，非常解渴。