探花 (已結業)

拣餐厅同妈咪食饭，见呢间装修几靓同modern，可以坐得舒舒服服饮下茶， 呢度系用英记嘅茶叶已经加分，同埋佢嘅点心外型设计都几有心思，望落全部都好精致啱晒打卡!! 咁啱被安排坐喺红叶树下，系咁帮妈咪影相，佢好开心!! 食物基本上全部都好满意，唔系得个样食落都好味，特别钟意青森苹果叉烧酥，外型整到神似Mini版嘅靑森苹果，苹果味同叉烧系夹嘅，好食!! 今日食咗唔少虾嘅菜式，虾肉全部都新鲜同弹牙，食得出用料系唔错，对得住个价钱!!-西班牙红虾水晶饺-红米肠粉-长春卷另外叫左两个素菜为主嘅点心都觉得好食!! -黑虎掌花素饺，素饺皮唔会过厚-松露牛肝菌腐皮卷，食到满满嘅松露味道大食嘅我哋最后仲叫咗椒盐白饭鱼同菠萝樱花虾炒饭，个炒饭炒到粒粒分明，樱花虾多到满泻，加埋酸酸甜甜嘅菠萝，呢个配搭好好!! 满足又满意嘅一餐!!