津記車仔麵 (已結業)

经过翠怡花园，发现咗呢间新开嘅 #津记车仔面，设计同装修好有旧香港特色，所以就同朋友入去试吓！除咗装修有心思，折枱折凳都好有大排档feel，而用来装自家制嘅辣菜甫同葱嘅「万寿无疆茶杯」亦好有特色。点咗三𩠌面，汤底拣咗沙嗲酱，老板话几辣下，所以将酱另外放匙羹上，果然！真系几辣，但几惹味！辣菜甫同葱都系我杯茶，所以落咗好多，沙嗲酱再加辣菜甫，辣度再提升、更惹味，尝辣嘅人一定要试吓！𩠌嘅选择都几多，酸斋、烟鸭胸、南乳猪手、麻辣猪肠 唔系间间有。我就拣咗最钟意食嘅炸鱼皮、炸鱼肉春卷和鱼片头配粗面，好丰富，而且每款𩠌都好味😋，配埋多葱加辣菜甫食一流。