魔膳廚房 (已結業)

约左旧同事去观塘食晚饭，事前已经搜寻过餐厅，觉得哩间好似唔错，一于就拣哩到。环境唔错，楼底高地方大，餐厅够宁静，可能在工业区晚市会比较少人流。自助区，款式虽然唔算太好，但摆设几靓，我净系食左少少啫喱。餐汤，有罗宋汤或忌廉汤选择。和牛汉堡胀卜卜，卖相好靓，和牛好厚又够肉汁，面包都好松软，薯角其实都好粗，只系汉堡实在太大，显得薯角好细条。大虾扁意粉，有2只大虾已开边，咬落厚肉啖啖肉，意粉炒得好香。甜品，唔记得个名，类似焦糖布甸，好滑，甜度适中。