M18 (已結業)

话说放假出发行山前必须要食餐丰富才有力，本来想食新开果间茶记，但一见到人龙就唔想排。漫无目的朝著地铁方向行，就谂起好似从未试过M18啲意粉（早餐饱点就试过），一于试下啦。餐牌有大约五、六款意粉，全部卖相都好吸引(嘻....我总是被照骗)而且本身钟意食浓味嘢，一于试试龙虾汤鸡扒意粉啦。套餐包括饮品、面包及意粉，大约七十几蚊，我觉得以cafe黎讲正常价啦，店舖又四正企理。奶茶是一贯的好饮，之前食早餐已经surprise个奶茶咁好味，因为始终对西式cafe奶茶有点却步，最怕茶包加鲜奶果种，但这间应该系用茶记果啲丝袜奶茶，好正。果片排包要赞，唔系就咁比片包hae你，佢地有烘过个包然后才上碟，咬落少许脆口，从细节中见细心。龙虾汤当然不能以高档龙虾敖煮极浓果种相比较，但仍然有足够龙虾味，而且不会死命加茄膏整色整水酸死你，加上鸡扒皮脆肉嫩，太阳疍再为整体卖相加分，又够大份，慢慢食完后充满力量应付行山旅程。放假日有这个brunch 作开始，正！