湘肴世家

营业中

休息中

朋友介绍嘅湘菜馆，一入到房就有砂糖桔食，应节得黎又十分细心。环境几好，有独立房，成班人几嘈都得，冷气又好够，食到成身热辣辣个时咁岩可以散下热！我地一黎就点左几个𩠌，我地一行八人个个都食到赞不绝口，辣道岩岩好，对我一个本身吾系太食得辣嘅人黎讲 叫小辣 就啱啱好。原本都几十分担心水煮牛 水煮鱼 香芋地瓜圆依d要油炸、滚油。依家出面好多地方都用万年油，次次食亲地瓜圆见到外皮深啡色都好担心，但依到嘅地瓜圆外皮金黄色，食落冇油益味，睇到都十分放心。水晶粉系劲辣推介，第一啖食落去以为冇野，之后个几啖劲辣嘅香味慢慢系个口到渗出黎红烧肉虽然都系辣，不过食到一半个口已经超辣个时食返少少腩肉个感觉中和咗其他野食嘅辣味绝对值得再黎，今次系同朋友来食，下次必定带同亲朋戚友光临。