影片
更多
2023-11-26
100 浏览
🎐上次约玛姬皇后约唔成，因为要凑仔👩👦👦，终于俾到今日时间熊妹出黎食饭聚聚喇。📌想食下午茶，紧系拣间休闲咖啡店短暂小聚，chill下喇。千拣万拣，最后拣左位于尖沙咀柯士甸道的《Potluck Eatery》，其实熊妹经过过好几次，见门面装修都几别致，一早已经bookmark左📝。📌店舖好大，色调以白色灰色同木系为主，有好多张四人木制梳化枱，中间摆放好多二人木枱，墙上挂著黄色的灯泡，柔和的灯光营造浪漫的气氛，餐厅还会播着悦耳的外国歌曲🎶，成个感觉环境都好舒服，好适合情侣拍拖👫，二人闺蜜闲聊👯或者大伙儿过嚟食饭聚一聚💃。📌熊妹同埋玛姬皇后下午两点嚟到，有Lunch Menu同Tea Set Menu，Lunch Menu都几多选择，有沙律🥗、意粉🍝、汉堡包🍔、全日早餐🍱、肉眼扒等等，有是日餐汤同一杯饮品，价钱为$68至$168 ，Tea Set Menu就轻食为主，有咸食或者甜食嘅窝夫同埋甜品选择，再包一杯饮品，价钱为$58至$68 ，Lunch Menu同Tea Set Men价钱相当便宜，喺尖沙咀呢个地段嚟讲几抵食。📌另外仲有主餐牌单点食物，有沙律、小食、意大利饭、薄饼、主食等
🎐上次约玛姬皇后约唔成，因为要凑仔👩👦👦，终于俾到今日时间熊妹出黎食饭聚聚喇。📌想食下午茶，紧系拣间休闲咖啡店短暂小聚，chill下喇。千拣万拣，最后拣左位于尖沙咀柯士甸道的《Potluck Eatery》，其实熊妹经过过好几次，见门面装修都几别致，一早已经bookmark左📝。
📌店舖好大，色调以白色灰色同木系为主，有好多张四人木制梳化枱，中间摆放好多二人木枱，墙上挂著黄色的灯泡，柔和的灯光营造浪漫的气氛，餐厅还会播着悦耳的外国歌曲🎶，成个感觉环境都好舒服，好适合情侣拍拖👫，二人闺蜜闲聊👯或者大伙儿过嚟食饭聚一聚💃。
📌熊妹同埋玛姬皇后下午两点嚟到，有Lunch Menu同Tea Set Menu，Lunch Menu都几多选择，有沙律🥗、意粉🍝、汉堡包🍔、全日早餐🍱、肉眼扒等等，有是日餐汤同一杯饮品，价钱为$68至$168 ，Tea Set Menu就轻食为主，有咸食或者甜食嘅窝夫同埋甜品选择，再包一杯饮品，价钱为$58至$68 ，Lunch Menu同Tea Set Men价钱相当便宜，喺尖沙咀呢个地段嚟讲几抵食。
📌另外仲有主餐牌单点食物，有沙律、小食、意大利饭、薄饼、主食等等，食物款式种类都几多下，任君选择。
脆炸鱿鱼柚子杂菜沙律
$138
10 浏览
0 赞好
0 留言
📌熊妹习惯餐前一定要食啲菜或者沙律叠下个胃。
一上枱，好大兜沙律㖞🥗！首先免头有起码五六条鱿鱼🦑，奇趣炸的鱿鱼须炸皮几薄又够脆，无咩油，面头洒上啲调味粉，内里嘅鱿鱼相信焯过先攞嚟炸，食落去柔软度超高又弹牙，重点系超长一条食极都食未食完，份量好足。另外仲有一大堆新鲜沙律菜叠底，路上好丰满嘅黑醋沙律酱汁，淡淡都沾上酱汁好够味，熊妹好怕食沙律冇酱汁，净系食啲生菜干啃会好寡，仲有一嚿嚿柚子，份量真系唔吝啬㗎㖞，唔系搣出嚟一粒粒的柚子粒，食落口感多好多。成个沙律菜份量真系好多，钟意食沙律嘅朋友一定会好🈵意，熊妹同玛姬皇后多多都清得晒。
Potluck Afternoon Tea Set
$288
20 浏览
0 赞好
0 留言
📌曾经系熊妹嘅下午茶Tea Set脚玛姬皇后而家从出江湖，梗系嗌返个Tea Set欢迎佢啦！
呢个英式下午茶都相当抵食，每人包六款咸点、两款甜点同埋一件松饼，一杯饮品，都系$288，而家租金昂贵嘅香港地真系好少见到呢款价钱了。
六款咸点包括自家制蟹肉饼、烟三文鱼吞拿鱼卷、虾沙律多士、牛油果蕃茄莎莎、吞拿鱼他他挞同一口香煎带子，全部size的的骰骰🎲，可以话系一啖过，真系好啱一口小食一口咖啡，再慢慢闲聊，休闲地渡过轻松嘅下午，呢个就系叹下午茶嘅精髓。
当中熊妹觉得牛油果蕃茄莎莎同一口香煎带子系最好味，牛油果熟到好淋，淡淡的牛油果🥑香味配合酸甜的蕃茄莎莎🍅，食落去好清新。一口香带子煎到外皮有少少脆，肉质好弹牙，面头有啲咸咸地的鱼子粒更调带子的鲜味，连埋下面淡味的脆口梳打饼一齐食，带子配饼干，感觉好特别。
另外精选甜品有四件，包括红莓蛋糕、朱古力蛋糕、朱古力泡芙及柠檬挞。朱古力爱好者玛姬皇后梗系清咗朱古力𠮶两件啦🍫，爱酸的熊妹就食返熊妹的红莓蛋糕🍓同埋柠檬挞🍋。两者系偏酸性的甜品，酸得来又唔系太酸，主要唔系好甜，啱晒熊妹爱酸的口味。
脆炸金菇牛油果窝夫配蕃薯条
$68
22 浏览
0 赞好
0 留言
食完个英式下午茶仲未够喉，想点多个下午茶餐，见到呢个牛油果窝夫个名都实在太吸引啦！
一件格仔窝夫，上面铺满左软熟的牛油果蓉🥑，仲有一片片菇🍄，重点系面头再铺满一堆脆炸金菇条，一条条幼身的金菇条炸到金黄色，本身加咗调味，食落去咸咸地，炸到非常酥脆，脆炸的金菇条连埋软淋嘅牛油果窝夫一齐食，双重口感互相辉映💫，更能衬托其身的味道，无谂过菇菇同牛油果味道会咁夹，咁样的配搭非常特别，街外好少见，系值得一试。
再开心的系，跟上伴碟的系蕃薯条🍠，份量超级超级多，蕃薯条炸出嚟入边嘅蕃薯肉都仲系淋身，天然的蕃薯肉就咁食已经好香甜好滋味，熊妹同埋玛姬皇后都系食钟意蕃薯条多过薯条，而且纤维质比较多，感觉上会比薯条健康啲。
Flat white，Americano
$38
14 浏览
0 赞好
0 留言
熊妹饮咖啡一定会叫Flat White，睇睇冲调咖啡师傅的功架。💪🏻
一杯好靓的心型拉花💗，奶泡位打得好厚实，一杯好的拉花咖啡，奶泡层的拉花系饮到最好都仲唯持到完整成型的拉花图案而并没有散开，味道来讲，淡淡的牛奶味再渗透浅浅的咖啡香浓味，就系熊妹钟情Flat White的味道，呢杯咖啡，
Americano玛姬皇后就钟意饮黑咖啡☕️，多数都会点Americano。整开咖啡的玛姬皇后告诉熊妹一杯Americano其实系一shot espresso 再加热水，饮落即系沟淡特浓咖啡味再咁浓郁。
而《Potluck Eatery》的Americano竟然可以让饮开black coffee的玛姬皇后有惊喜，饮落去，特浓咖啡味不减之余，质感好浓郁，无沟过量的水变稀，放凉左又唔会变酸，相信用的咖啡豆质素都几优质，先能够保持到咁的效果。
📌整体来讲，《Potluck Eatery》系一间非常休闲的咖啡餐馆，环境大之余装潢美美的，系咁舒适悠闲自得的地方与好知己共享美食，幸福的感觉在于此。
张贴
