八方雲集鍋貼水餃專門店

营业中

休息中

咁岩喺附近整完嘢嘅时候已经系下午茶时间，所以就想喺附近买台式野返屋企食，所以就拣咗八方，佢个餐total都系$40 ，都几抵食。-1.首先就系佢个台式面线，略嫌佢碗嘢好水，正常应该系比较浓稠，有少少羡嘅质地，而且碗野亦都比较清淡，比较普通，但大肠同埋丸嘅份量都ok,但系大肠就唔算好入味，贡丸同埋墨鱼丸都还可以。但系啲粉就好稔，冇咩咬口。-2.其次就系佢个韭菜水饺，首先佢个皮偏厚，而且穿咗窿，令到佢有两三只嘅汤汁已经漏咗出嚟，不过佢个韭菜馅都算大，而且都有肉喺里面～3.最后就叫咗个无糖豆浆，不过不失，如果唔使加钱嘅话呢个水准都还可，但系豆味就唔太出。总括嚟讲佢个环境都还可以但系收银个服务真系有啲差，有少少唔耐烦。