影片
更多
2014-09-20
906 浏览
当晚共4人去食晚饭，当时大概8点几，唔多人。睇紧餐牌既时候听到两位侍应一路执隔离枱一路倾偈:「哗佢地下巴系咪串洞，食野食到一枱都系！」当时我地个枱只系系隔离，而两位侍应亦以正常声量交谈。可能佢地冇专登要其他客人听到，只系冇谂过客人听到会点。首先做紧野期间咁大声倾偈本身都冇礼貌，但重点系佢地倾偈既内容。佢系客人面前亳不忌讳咁讲岩岩离开既其他客人坏话，我地作为客人会好唔好受。不单止听落好哽耳，心入面仲会有条刺觉得会唔会我地一走佢就讲我地坏话？食物其实一般，冇乜特别好与唔好，系做西餐但唔正宗既现代尝试。见到餐厅同餐牌大概知道路线系用眼睇开心过用口食个啲，所以食物同心目中既预期差不多。叫左香菇羊扒、意粉、沙律、咖啡。沙律菜不太新鲜，而且沙律酱太多。咖啡都可以。香菇羊扒既肉麻麻地，有点老。系食食下香菇羊扒既期间，我妈妈赵赵下话香菇之间有赵唔烂既野，发现系一个好细既橡筋圈。因为朋友箍牙既时候我见过呢样野，所以知道佢系箍牙用唻将上下两排牙拉近既橡筋。我本身好惊香口胶，因为见到赵过既香口胶就会联想到一旧野痴哂口腔入面所有既污糟野－－箍牙用既橡筋亦一样。大家喺觉得呕心到不得了（我有一度想呕）既同时亦叫左
睇紧餐牌既时候听到两位侍应一路执隔离枱一路倾偈:「哗佢地下巴系咪串洞，食野食到一枱都系！」当时我地个枱只系系隔离，而两位侍应亦以正常声量交谈。可能佢地冇专登要其他客人听到，只系冇谂过客人听到会点。首先做紧野期间咁大声倾偈本身都冇礼貌，但重点系佢地倾偈既内容。佢系客人面前亳不忌讳咁讲岩岩离开既其他客人坏话，我地作为客人会好唔好受。不单止听落好哽耳，心入面仲会有条刺觉得会唔会我地一走佢就讲我地坏话？
食物其实一般，冇乜特别好与唔好，系做西餐但唔正宗既现代尝试。见到餐厅同餐牌大概知道路线系用眼睇开心过用口食个啲，所以食物同心目中既预期差不多。叫左香菇羊扒、意粉、沙律、咖啡。
沙律菜不太新鲜，而且沙律酱太多。
咖啡都可以。
香菇羊扒既肉麻麻地，有点老。
系食食下香菇羊扒既期间，我妈妈赵赵下话香菇之间有赵唔烂既野，发现系一个好细既橡筋圈。因为朋友箍牙既时候我见过呢样野，所以知道佢系箍牙用唻将上下两排牙拉近既橡筋。我本身好惊香口胶，因为见到赵过既香口胶就会联想到一旧野痴哂口腔入面所有既污糟野－－箍牙用既橡筋亦一样。
大家喺觉得呕心到不得了（我有一度想呕）既同时亦叫左侍应过唻。侍应除左系咁讲对唔住之外，冇提供过其他有建设性既方案。侍应提议换过一碟同样既香菇羊扒，但个时已食得七七八八而且大家都冇可能再有胃口。侍应提议张单打九折，只系成功令到我地更加嬲。要明白：餐厅通常识人打九折、熟人（起码）打八折、得罪人唔收钱。
性质上佢系俾左唔卫生既野人食，唔系好唔好食、岩唔岩食、食得开唔开心咁简单。唔收费既目的除左系令到客人条气顺少少之外，仲系避免客人同其他人讲、上网讲、又或者更严重情况下向有关政府部门投诉。讲得唔好听，呢啲掩口费衰得就一定要俾。
最后侍应冇收到个碟香菇羊扒既价钱，但个香菇羊扒既餐汤另外加番落张单道…
题外话/补充资料：
虽然系话当晚我地已经系最后一枱，可能侍应厨师都攰同介心低左，但事实上无可置疑既系侍应唔识做人、冇礼貌；厨房唔小心、唔卫生。由一开始侍应讲客人坏话、由厨房叫出门口叫朋友买啤酒，到箍牙橡筋，到危机处理等等都睇到员工经验不足同埋好似冇掩鸡笼既管理政策。每一样野客人看左眼里都对呢间餐厅形象大打折扣。一间餐厅成功与否唔单睇装潢格调餐牌免费WIFI，留得住客人既始终系人。
建议要求厨房戴口罩。
(以上食记乃用户个人意见 , 并不代表OpenRice之观点。)
张贴