KiKi麵店 (國際金融中心商場)

营业中

休息中

疫症越来越严重，不少人WFH，但仍然有好多人要承受每天急速的节奏。这间坐落在繁忙中环IFC的餐厅，环境布置得很有台湾味道。播住柔和的歌曲，不知道会否令你暂时忘却香港的压抑，回味起当初去台湾时的慢活呢？我一直期待已久既蟹黄油拌面今次终于可以一尝，又真系无令人失望。蟹油，蟹粉，蟹醋分次序咁落。我觉得个醋系唔需要落晒已经够鲜味。蟹粉份量都几多又够香浓，啲蟹壳都清得够干净，以依个价钱都算性价比唔差。另外叫左个花胶鲍鱼汤鸡灌面，啲花胶都几大块。但鲍鱼就无办法，都系用罐头鲍鱼。不过都唔算太细只。仲有依个鸡汤饮落都几舒服，唔会好溜。小食大部分就不过不失，而且鸡翼都炸得几干身，唔油腻，仲食到香茅同姜蓉香味。最后叫左杯紫薯雪绒黑糖姜母鲜奶，衰鬼又几好饮㖞！果个紫薯cream打得轻身又够浓紫薯味，啲细细粒容易食既小芋圆食下食下都唔少。仲有杯饮品本身已经半糖左，唔需要特意减甜又几贴心。