影片
更多
2015-10-16
428 浏览
登龙街又一间拉面店，竞争激烈，今日两只马骝游完水，两大两小来到，因为时间尚早，无人排队，直入四人位坐低！地方几迫，红黑色为主！桌椅好近，墙上大大只写住最强鸡汤！咁大口气？落单食物好快到！野菜拉面（$78）好多我最爱嘅芽菜，爽口好味汤底唔太咸（几惊最强系咸到癫）汤底起胶，少许似鱼翅汤嘅质感，但⋯⋯又未至于惊为天人啰！蔬菜好多！全部爽脆！拉面有咬口！整体系好味嘅！炙烧豚肉海苔味玉拉面（$98）妈妈食，佢食晒话好味！我分咗佢半只食，蛋白滑，卤得入味，蛋黄流心浓浓蛋黄味！正！羽根烧饺子（$35）个脆卜卜嘅饺子底向天，好易分开，饺子皮烟韧，馅料有蔬菜碎，比较清爽，有肉汁！好味！儿童餐（女仔）（$55）儿童餐有两款主菜，两只马骝都拣豚肉，上菜卖相几靓，有埋可爱猫猫餐具，拉面细碗啲，加一杯橙汁！唔使叫一碗大嘅又要攞碗仔分！店员有礼，又会比适当意见，因为我以为儿童餐主菜系用颜色分辨，佢解释唔系，只系男仔比蓝色，女仔比粉红色，唔关主菜事！另外我问几款饺子嘅分别，佢都好有耐性解答！服务唔错！新开张送纸巾及抽奖！
登龙街又一间拉面店，竞争激烈，今日两只马骝游完水，两大两小来到，
因为时间尚早，无人排队，直入四人位坐低！地方几迫，红黑色为主！桌椅好近，墙上大大只写住最强鸡汤！咁大口气？落单食物好快到！
野菜拉面（$78）好多我最爱嘅芽菜，爽口好味汤底唔太咸（几惊最强系咸到癫）汤底起胶，少许似鱼翅汤嘅质感，但⋯⋯又未至于惊为天人啰！蔬菜好多！全部爽脆！拉面有咬口！整体系好味嘅！
炙烧豚肉海苔味玉拉面（$98）妈妈食，佢食晒话好味！我分咗佢半只
食，蛋白滑，卤得入味，蛋黄流心浓浓蛋黄味！正！
羽根烧饺子（$35）个脆卜卜嘅饺子底向天，好易分开，饺子皮烟韧，馅料有蔬菜碎，比较清爽，有肉汁！好味！
儿童餐（女仔）（$55）儿童餐有两款主菜，两只马骝都拣豚肉，上菜卖相几靓，有埋可爱猫猫餐具，拉面细碗啲，加一杯橙汁！唔使叫一碗大嘅又要攞碗仔分！店员有礼，又会比适当意见，因为我以为儿童餐主菜系用颜色分辨，佢解释唔系，只系男仔比蓝色，女仔比粉红色，唔关主菜事！另外我问几款饺子嘅分别，佢都好有耐性解答！服务唔错！
新开张送纸巾及抽奖！
张贴
