影片
更多
2016-11-04
429 浏览
今日难得放一日假，唔洗返工，就约左三五知己一齐摸下杯底。朋友带领之下黎左哩间CELLAR DOOR，门口装修已经好特色，好有欧陆式感觉。店如其名，一入门口就有楼梯落地库，内部装修相当有格调。店内差不多全部都系用三角射灯，但又唔系太光，相当有情调。而且店内比想象中宽敞很多，空间感十足。由于餐牌系全英文，所以食品名我都会源用返餐牌上既名。英文有困难既朋友要小心啦，记得上openrice 做定功课，唔系就要好似我咁系班朋友面前失威问服务员啦。班服务员态度好好，会耐心讲解你听，但你班朋友会唔会笑你，我就唔写包单啦。Serrano Chicken：烤鸡肉，卖相唔错，烤得好香，而且恰到好处，十分嫩口，一点都不老。味道颇浓，食得出少少甜甜的蜜糖味，但同时鸡肉可能已经腌过，所以得出几特别既味道。个人认为如果配埋啤酒会十分开胃。Lamb Ragout：羊肉丝加一大堆调味。卖相不大讨好，但味道浓郁度比头先食既烤鸡有过之而无不及，由于太多调味既关系，跟本已经唔系太分得出。羊肉有一定既稣味，唔怕稣既朋友可以一试，因为味道实在难以用笔墨形容。Lime Soda：酒量浅既我叫左杯青柠梳打，甜甜酸酸的，食完之前两道
今日难得放一日假，唔洗返工，就约左三五知己一齐摸下杯底。朋友带领之下黎左哩间CELLAR DOOR，门口装修已经好特色，好有欧陆式感觉。
店如其名，一入门口就有楼梯落地库，内部装修相当有格调。
店内差不多全部都系用三角射灯，但又唔系太光，相当有情调。
而且店内比想象中宽敞很多，空间感十足。
由于餐牌系全英文，所以食品名我都会源用返餐牌上既名。
英文有困难既朋友要小心啦，记得上openrice 做定功课，唔系就要好似我咁系班朋友面前失威问服务员啦。
班服务员态度好好，会耐心讲解你听，但你班朋友会唔会笑你，我就唔写包单啦。
Serrano Chicken：烤鸡肉，卖相唔错，烤得好香，而且恰到好处，十分嫩口，一点都不老。味道颇浓，食得出少少甜甜的蜜糖味，但同时鸡肉可能已经腌过，所以得出几特别既味道。个人认为如果配埋啤酒会十分开胃。
Lamb Ragout：羊肉丝加一大堆调味。卖相不大讨好，但味道浓郁度比头先食既烤鸡有过之而无不及，由于太多调味既关系，跟本已经唔系太分得出。羊肉有一定既稣味，唔怕稣既朋友可以一试，因为味道实在难以用笔墨形容。
Lime Soda：酒量浅既我叫左杯青柠梳打，甜甜酸酸的，食完之前两道浓味野，对比下相当清新。之后有机会，我都会同朋友再黎哩间格调唔错既餐厅食饭打发下时间。
张贴
