牛脾氣

营业中

休息中

踩单车嚟到大埔，大家明明话冇咩胃口，饮杯嘢就算，结果经过大埔牛脾气，和风格调，加上地区嘅亲民价钱，不如坐低食吓嘢，顺便休息吓，再继续行程啦。餐厅嘅面积虽大，但完全唔会有压迫感，非常舒服，完全有旅行嘅感觉呀！三文鱼鳍小食就叫咗三文鱼鳍，外脆内软，非常香口， 重点系唔会油淋淋，最啱就系配番杯日本啤酒再同朋友边倾偈边食啦！汁煮猪软骨饭所有主食都配埋沙律同饮品，价钱亲民，性价比高，所以我哋就一人一个餐啦！汁煮猪软骨煮得好香好入味，软骨部分有嚼口但完全唔会硬，肉质索晒汁，入口即化，精华所在当然系个汁啦，拎嚟送饭一流！吉列芝士猪扒饭吉列猪扒即叫即炸，所以好香脆，而且入面夹住芝士，食嘅时候可以拉丝之余，令吉列猪扒增添层次呢！除咗吉列猪扒之外，旁边嘅蛋包饭充满蛋香，上面铺满咸香十足嘅明太子酱，令味道更为丰富。估唔到饭底都有惊喜，厨师特意将日式烧汁混系白饭度，将多种味道加埋一齐，原来非常夹架！