粥滿家

营业中

休息中

新蒲江一个好小踏足嘅地方，如果唔系要学野应好小机会会黎。今日决定清清地去食粥，帮衬下小店。其实我几怕岀面食粥，因为太重味精食完会好口渴。本来想食白粥但惊唔够饱就叫左柴鱼花生粥，唔讲真系唔知原来柴鱼花生粥姐系猪骨粥底。朋友叫左滑牛粥，再加碟肠粉加两杯冻豆浆肠粉系最快到嘅！值得欣赏嘅系佢地d甜酱同麻酱唔会水禧禧，好杰下。之后我o既柴鱼花生粥，花生猪骨分量适中，但有小小咸。比姐姐听到我话咸，即时话要加ｄ白粥比我沟淡佢。都未黎得切回应碗粥已经比姐姐拎左去。朋友滑牛粥因为即刻生滚所以有dd耐。牛肉好淋，朋友话有妈咪的味道。就系我就快食完o既时候，姐姐又问我够唔够啊？仲洗唔洗加多ｄ比你。咩食粥都有得添？太客气啦姐姐。