大利冰室

营业中

休息中

因为探朋友先至会经过呢个咁偏僻嘅地方，位于深水埗同大角咀之间，个招牌同埋个格局都系好旧式，应该系一间地区老店，所以就行入去帮衬一下。传统茶餐厅当然要试一试佢嘅沙嗲牛肉面同埋奶茶。先讲沙嗲牛肉面，佢个沙嗲牛肉当然系整定嘅，叫先至加一两羹落去，沙嗲牛肉面上台就先搅匀佢，等d沙嗲汁捞匀，捞匀后仍然够香，而且唔太咸，唔错，至于d牛肉都有肉味，我自己觉得算系难得。至于杯奶茶都够香浓，好有传统茶餐厅嘅味道。价钱都好合理，值得一试。