影片
更多
2018-05-26
293 浏览
今日要过海做野，搅完一轮又到午饭时间。眼见天口热，见到「冰室」两个字就咩都唔理冲左入去一入门口就已经有侍应哥哥问几位，铺头都几多人，好彩都搭枱坐到卡位，可以舒舒服服咁坐。餐厅都几干净,虽然坐近门口收银位，但冷气都好够。坐低后，有位姐姐比个餐牌，话今日（星期六）可以叫外卖餐。不过睇左一轮，见到有推介餐，就决定叫「瑞士汁鸡脾肠仔饭」再加特饮「杂果冰」。太热啦，宁愿加钱叫特饮走汤。等左一阵，主菜上场，姐姐仲帮我拉柜桶攞餐具，仲叫我慢慢食。难得地会送三条菜，比起雪藏杂豆，我宁愿系配菜心或芥兰。肠仔外皮脆脆地，汁都算唔错，不过鸡脾就偏咸左少少，有待改进。一到个杂果冰，真系童真返晒尼，令我谂起细个老豆带我去冰室叫红豆冰都会送把纸遮仔。杂果冰唔会甜到好似糖水咁，有菠萝，小椰果，蜜桃，消暑一流。店内环境干净又光猛，可能饭市时间，店内都几多人。除左有电视，餐厅都会播下d流行曲。可能姐姐侍应较多（收银都系女），嗌「欢迎光临几多位」都唔会太过豪气大声，来得温婉亲切。整体而言，鸡脾偏咸，但味道都唔差。杂果冰卖相呃like一流，味唔会太甜。环境唔错，唔会快快收你野，好似赶你走咁。侍应唔会恶恶死死，都有笑容。尼紧
一入门口就已经有侍应哥哥问几位，铺头都几多人，好彩都搭枱坐到卡位，可以舒舒服服咁坐。餐厅都几干净,虽然坐近门口收银位，但冷气都好够。
坐低后，有位姐姐比个餐牌，话今日（星期六）可以叫外卖餐。不过睇左一轮，见到有推介餐，就决定叫「瑞士汁鸡脾肠仔饭」再加特饮「杂果冰」。太热啦，宁愿加钱叫特饮走汤。
等左一阵，主菜上场，姐姐仲帮我拉柜桶攞餐具，仲叫我慢慢食。
瑞士汁鸡脾肠仔饭
$55
37 浏览
0 赞好
0 留言
难得地会送三条菜，比起雪藏杂豆，我宁愿系配菜心或芥兰。肠仔外皮脆脆地，汁都算唔错，不过鸡脾就偏咸左少少，有待改进。
杂果冰
$10
28 浏览
0 赞好
0 留言
一到个杂果冰，真系童真返晒尼，令我谂起细个老豆带我去冰室叫红豆冰都会送把纸遮仔。杂果冰唔会甜到好似糖水咁，有菠萝，小椰果，蜜桃，消暑一流。
店内环境干净又光猛，可能饭市时间，店内都几多人。除左有电视，餐厅都会播下d流行曲。可能姐姐侍应较多（收银都系女），嗌「欢迎光临几多位」都唔会太过豪气大声，来得温婉亲切。
整体而言，鸡脾偏咸，但味道都唔差。杂果冰卖相呃like一流，味唔会太甜。环境唔错，唔会快快收你野，好似赶你走咁。侍应唔会恶恶死死，都有笑容。尼紧书展希望间铺仲向度可以继续帮衬。
张贴
