西貢海灣會燒烤大王

同几个朋友一行4人收工谂住bbq，美孚无咗烧烤场，元朗𠮶啲又试过晒，就谂住嚟西贡试下。我地7点松啲到达，咁就买票入场啦，$258/位，但就只收现金。如果海景位仲要加$200开炉费，所谓嘅海景位，你坐低咗系唔会睇到海景。俾完钱佢就俾咗每人一支烧烤叉，4只发泡胶碟，4只纸碟，4个胶杯，装蜜糖嘅胶杯同一盒纸巾，餐具就自己出去攞嘅。野食种类唔多，饮品系汽水机饮品，so far食物味道系ok嘅，但就超级无敌准时9点正就落闸唔俾再攞野食，一分钟都唔会俾多你，之后想添少少蜜糖都唔得。所谓嘅任饮，佢只杯好细，烧嘢食好易口渴，咁斟野饮就要来来回回好多次。好多野都系额外收费，烧烤网$70，佢有蕃薯，但又无锡纸俾你，咁买锡纸又要俾钱喇。到咗9点后就间中会有广播话10点前一定要离场，过咗一阵9点15分左右，无人嘅地方就开始熄灯，到9点40分左右，得返我哋一枱，就熄净我哋附近嘅灯，然后啲职员行来行去，又成班企喺一个角落望实我哋，真系未试过烧嘢食都咁有压力😰 大佬呀，你话10点前离场，咁我9点59分走都未够钟啫，真系搞到好扫兴！讲真，个场环境系唔错，但service就真系无嘅，价钱bbq嚟讲唔平，地点又唔系方便，