榮川日本料理 (已結業)

今日约左几个旧朋友来饭局，估唔到呢度价钱唔平但都好多人来。我地卜左房，地方几正斗，呢度系正宗的tatami，系没有窿在台底的，所以大家一系盘膝一系就跪。呢度而家刺身做紧半价，不过今日就个个都食定食，我的刺身定食有六、七款刺身，如甜虾、池鱼、北寄贝、八爪鱼等，不属贵价野但都很新鲜；饭是锦字米，黏性十足，好味；隔离朋友吃的是日替之便当，是烧三文，佢话味道都唔错；另外猪肉生姜烧就一般，炸生蚝定食就都食得过。大家的定食由百一蚊起，我的刺身定食最贵要百六蚊，以价钱来说都交足功课，加上地方好坐，不介意贵一点的话是不错的选择。题外话：坐房要除鞋，所以唔好著穿窿袜。