影片
更多
2017-04-29
7509 浏览
Happy Friday!又系同老公出去觅食嘅好时机，今日下午同我妈妈加埋妹妹去观塘睇开仓，行完都差不多够钟食晚饭，本身仲谂梗系APM可以食咩好，但谂谂下又怕happy friday 下APM会劲多人，应该好难揾位，我妈妈又惯左早训，于是就试下去好耐冇食过嘅汉和。自从正宗嘅韩烧系香港流行之后，香港人人就少左去帮衬港式嘅韩烧，久违了的感觉，今日终于可以再试。好记得我细细个爸爸好钟意一放假就带我去食韩烧，一黎近屋企二黎够多野，可以话系平价嘅buffet ,仲要系香口野，食港式韩烧最开心系有得自助形式选择食物，仲要唔止系烧烤嘅食物，连熟食，鱼生，汤类，甜品，生果都有，根本就系自助餐吧。先讲返呢间汉和，地方够哂大，仲有3间VIP房。接待员够细心、眼见我有一个bb就安排左入VIP房坐女，bb唔会嘈到人又唔会比人嘈到，只系拎食物要行远少少，但咁又有咩所谓？当做下运动。呢度有三文鱼刺身同3款寿司，三文鱼都够肥美，而且refill得算快，寿司就系最常见嘅卷物同三文鱼寿司，咁话哂三文鱼系鱼生中较平，呢点大家都明，170一个人仲想点？熟食方面真系多，有薯条、炒粉丝，炒菜，炒饭，多春鱼，泡菜煎饼，仲有令人意
自从正宗嘅韩烧系香港流行之后，香港人人就少左去帮衬港式嘅韩烧，久违了的感觉，今日终于可以再试。
好记得我细细个爸爸好钟意一放假就带我去食韩烧，一黎近屋企二黎够多野，可以话系平价嘅buffet ,仲要系香口野，食港式韩烧最开心系有得自助形式选择食物，仲要唔止系烧烤嘅食物，连熟食，鱼生，汤类，甜品，生果都有，根本就系自助餐吧。
先讲返呢间汉和，地方够哂大，仲有3间VIP房。接待员够细心、眼见我有一个bb就安排左入VIP房坐女，bb唔会嘈到人又唔会比人嘈到，只系拎食物要行远少少，但咁又有咩所谓？当做下运动。
呢度有三文鱼刺身同3款寿司，三文鱼都够肥美，而且refill得算快，寿司就系最常见嘅卷物同三文鱼寿司，咁话哂三文鱼系鱼生中较平，呢点大家都明，170一个人仲想点？
熟食方面真系多，有薯条、炒粉丝，炒菜，炒饭，多春鱼，泡菜煎饼，仲有令人意外会有猪脚姜。每款熟食上面都会有一盏保温嘅灯黎照住。
汤类有，韩式香辣海鲜汤，人参鸡汤，中式老火汤同碗仔翅。
凉拌小菜有泡菜，芽菜，云耳，青瓜，辣萝卜。仲有沙律菜。
甜品有豆腐花，凉粉，椰汁糕，桂花糕，牛奶布甸同雪糕。
烧烤配料都好多种类，有牛肉，牛脷，牛肋骨，肥牛，猪肉，猪扒.........仲有鱼呀，鱿鱼呀，香肠火腿同菇类等。
熟食我只拣左少少，多春鱼唔会话整到太干身或者散哂，不错。泡菜煎饼就反而食唔出有泡菜？！只食到有九菜。
薯条唔洗讲啦，都系一pack pack个d啦。
凉伴前菜就觉得个泡菜唔错，起码唔会有阵怪味，芽菜够入味，菠菜都唔错。
烧烤方面我地烧肉类多，特别系五花腩。五花腩嘅皮被烧过会变得弹牙又唔会太肥。另外我个人好钟意食牛脷，难得呢度嘅牛脷唔会好稣。牛肋骨就超入味，牛肉都淋，连我少食牛嘅妈妈都专攻牛肋骨。
但我试过个羊肉就超超超稣....完全顶唔顺...............
甜品我迲食左椰汁西米糕，但明个层嘅椰汁唔知点解好咸？！
每次食左韩烧都会食少少野下下火，呢度有凉粉，解决左呢个问题。
汤我饮左韩式香辣海鲜汤，好够辣但又几香，我明明一路话好辣但饮左2碗。佢入面都足料，有鱼肉、虾，鱿鱼。
人参鸡汤都几好，有少少人参味（当然都系个句，百几蚊仲想点？！），但都好正。
饮品方面，全部都系罐装饮品 ， 仲有韩国牌子嘅啤酒。
星期五晚就170左右一个人（未计加一）算系唔错了，间唔中食一次满足一下都唔错。
张贴
