影片
更多
2013-12-11
1193 浏览
同B君两个去食个早餐，虽然系闲日，十点几都仲系坐满人。唔知系咪旅游书推介，唔少帮衬嘅都系游客。同好多旧式茶餐厅一样，金凤主打嘅系新鲜出炉嘅面包同蛋挞。里面地方细细座位唔多，有几张圆台同几张卡位。呢度嘅卡位窄嘅程度，系除左件外套都唔会有位摆。值得一提嘅系呢度嘅员工，大多数都系上左年纪，佢地间唔中会倾下计，搭下膊头。一路食早餐一路睇住佢地互动，其实几温馨，几窝心。至于食物方面，我同B君分别叫左个 “丰富早餐B” 同 “丰富早餐C”。呢度嘅早餐大大份，不过价钱都唔便。HK$31一个早餐，菠萝油仲要额外加 HK$2。不过野食的确唔错。沙爹牛用嘅系鲜牛肉，沙爹味浓，面唔会太淋，几好味。菠萝油虽然唔系新鲜出炉，送到黎已经得少少暖，不过仍然好脆！最满意系杯奶茶，茶味浓郁，够滑，不过奶稍微落重手左少少。不过个火腿奄列令我有少少失望。蛋太熟，冻冻地，好普通。总括黎讲，金凤系众多旧式茶餐厅黎讲表现唔算特出。不过胜在装修同味道都保持住旧香港特色，唔怪得咁多游客黎。
同好多旧式茶餐厅一样，金凤主打嘅系新鲜出炉嘅面包同蛋挞。
里面地方细细座位唔多，有几张圆台同几张卡位。呢度嘅卡位窄嘅程度，系除左件外套都唔会有位摆。值得一提嘅系呢度嘅员工，大多数都系上左年纪，佢地间唔中会倾下计，搭下膊头。一路食早餐一路睇住佢地互动，其实几温馨，几窝心。
至于食物方面，我同B君分别叫左个 “丰富早餐B” 同 “丰富早餐C”。呢度嘅早餐大大份，不过价钱都唔便。HK$31一个早餐，菠萝油仲要额外加 HK$2。不过野食的确唔错。沙爹牛用嘅系鲜牛肉，沙爹味浓，面唔会太淋，几好味。
菠萝油虽然唔系新鲜出炉，送到黎已经得少少暖，不过仍然好脆！
最满意系杯奶茶，茶味浓郁，够滑，不过奶稍微落重手左少少。
不过个火腿奄列令我有少少失望。蛋太熟，冻冻地，好普通。总括黎讲，金凤系众多旧式茶餐厅黎讲表现唔算特出。不过胜在装修同味道都保持住旧香港特色，唔怪得咁多游客黎。
张贴
