影片
更多
2011-08-19
46 浏览
每次嚟强记食饭都要6:30前, 如果唔系就会冇位, 今次迟咗少少, 差D冇位, 但最入仲有1张方枱, 食到差不多尾声, 隔离2张细枱食完, 佢地竟然可以由2张枱变成3张枱, 但要我地移过少少, 咁冇问题, 大家方便啫, 跟住经理见好似冇乜位行, 帮我地将张枱由打斜角变成直放, 好似阔落D, 到我地埋单的时候, 将我地之前坐果张方枱变成图枱, 可以坐5-6个人. 哗.............佢一晚都几大变动wor~~ 之前一路坐开近门口的枱, 都未试过咁大变身, 今次坐最入先体现到d伙计真系辛苦, 成日将d枱变大变细, 移左移右, 好似做咗搬运工人咁..............今日因为食咗下午茶, 相隔唔太远, 未系肚饿, 所以叫d冇咁饱肚的𩠌............... 姜葱炒蟹开头见到有2个蟹盖, 以为有2只蟹, 但食落竟然有5只钳, 仲要有1只系超巨形, 唔通佢几碟一齐炒, 所以分唔匀?? 虽然味道几好, 几够味, 最重要系够镬气, 但可惜d蟹冇乜肉食, 系个盖有d好老的蟹膏食............... 辣酒煮花螺唔系辣酒, 系辣油至真, 成镬都系油, 而且仲好辣tim~~
今日因为食咗下午茶, 相隔唔太远, 未系肚饿, 所以叫d冇咁饱肚的𩠌...............
姜葱炒蟹
开头见到有2个蟹盖, 以为有2只蟹, 但食落竟然有5只钳, 仲要有1只系超巨形, 唔通佢几碟一齐炒, 所以分唔匀?? 虽然味道几好, 几够味, 最重要系够镬气, 但可惜d蟹冇乜肉食, 系个盖有d好老的蟹膏食...............
辣酒煮花螺
唔系辣酒, 系辣油至真, 成镬都系油, 而且仲好辣tim~~ 开头望落有好多大豆芽垫底, 以为冇乜螺, 点知一路食一路都仲有, 好似食极都食唔完咁..............虽然我唔食得辣, 但螺真系要辣酒煮先好味~~
白粥
唔想食鸡粥, 虽然佢个鲍鱼鸡粥都只系$12, 但想食得清清地, 所以就叫白粥, 但个伙计仲要系咁推介鲍鱼鸡粥, 我地就坚持要白粥, 咁佢就话白粥都有味架wor~~ 我心谂, 其实系你地乜粥都系用果煲粥底, 只系唔同粥放唔同料啫~~ 食落碗白粥都真系好似食紧冇鸡的鸡粥~~ haha~~
莲蓉包
是晚又系送莲蓉包, 只有乒乓波咁大, 但唔系热辣辣, 尤其一啖放入口, 始终都系钟意佢送糖水多d~~
张贴