亞泰廚房 (已結業)

知道九龙城有好多泰国餐馆，但系呢间比较特别，间舖嘅装修比较新颖，座位好阔落， 三个人已经可以坐到张好阔嘅卡位，摆埋袋都一啲都唔迫，食物选择嘅种类唔算多亦唔算少，三个人叫咗一个咖哩软壳蟹面包盅，一份炒椰菜苗，一份串烧，一份网烧牛扒 ，仲有一份细嘅冬阴功汤，冬阴功汤唔算好辣，因为本身我系唔食得辣嘅人，我饮咗半碗都觉得可以接受，软壳蟹面包中超级有惊喜，一个超级大嘅圆形法包 ，入面就系咖哩汁同软壳蟹，啲面包索咗啲咖哩汁好好味，咖哩亦都好香，所以特登加咗个蒜蓉包同薄饼用嚟点咖哩汁食，蒜蓉包热热地好软熟好好食，但系要数最好食嘅我觉得喺个网烧牛扒，其实大家心里有数出嚟呢啲餐厅几十蚊份既牛扒一定唔会用新鲜牛扒，但系佢哋煮到出嚟系外面熟，入面仲有肉汁，佢已经帮我哋切开咗，我哋望到全部肉都啱啱好七成熟超好食，所有嘢食嘅价钱比起九龙城好多细细间自家做嘅铺头仔的确系贵少少 ，但系佢哋畀嘅服务招呼同环境，绝对比𠮶啲小舖舒服好多，所以个人觉得呢间餐厅畀我以往喺九龙城接触嘅泰国小餐馆环境真系舒服好多，如果下次再想食泰国菜应该都会再拣呢间