R&B (已結業)

生日当晚俾人带咗嚟呢间食西餐为主嘅餐厅食野，地方都几阔落。靠窗仲有啲梳化位，望住个景食野，气氛应该都唔错。-海苔蜜糖鸡翼海苔碎满布成个碗，份量太多反而影响食材本身味道。加上佢遍布成只鸡翼，食完个阵仪容有机会唔太好。鸡翼系单骨鸡翼，食落比完整鸡翼更方便。咬落外皮香脆，炸粉唔算过厚，鸡肉质感唔会太鞋身。-Breakfast Sampler餐厅有all day breakfast选择，仲可以比客人自己剔选配料，自由度较大。呢间餐厅嘅全日早餐配料味道大多都好特别，例如焗豆同肠仔。焗豆酱汁有微微香料味，茄汁味反而唔浓。肠仔比德国肠再浓味啲，稍嫌有点油。薯饼同炒蛋都不错，炒蛋多点蛋浆会更滋味。最惊喜系多士同培根，多士烘得金黄松软，外层酥脆，白面包松软无比，带牛油香。培根薄脆，口感似薄片猪肉干，食落都几香。-LemonadeLemonade味道酸中带点清爽，夏天饮几清凉，亦有解油腻作用。不过呢度嘅切饼费都有少少贵，会收返100蚊，想庆祝特别节日嘅朋友要留意啦。