影片
更多
2021-04-03
67 浏览
有朋友介绍过呢间叫「立鮨」嘅日本嘢，听佢讲系要立食嘅，但行过见荃湾呢间有得坐实在太好了，一于试下…第一轮叫咗唔同嘅刺身：日本真鲷、带子、油甘鱼、三文鱼、牡丹虾、水母。我从未试过食水母刺身，以为同鱿鱼或者墨鱼嘅感觉一样，点知原来系爽口架，佢本身系冇咩味，所以一定要点个酱，食落索索声，几特别。其他刺身都几新鲜，冇雪味。另外再叫咗个𩽾𩾌鱼肝寿司试下，食落味道有啲似鱼春，质地又有啲似鸡肝，一啲都唔腥。第二轮就试下佢地嘅omakase。虽然冇𠮶啲好高级嘅店面嘅仪式感，但师傅都会逐款寿司介绍同埋建议食嘅次序，都系好pro。师傅建议我地由清淡嘅寿司开始食先，最后先食油脂多同埋浓味嘅寿司，顺序就系牡丹虾，池鱼王，赤贝，平贝，赤鯥，金目鲷，大拖罗，拖罗鲛，萤光鱿鱼，马粪海胆，仲另外送咗两嚿玉子。个人最钟意食拖罗，油香味充满咗个嘴，好幸福呀。其次系金目鲷，唔知系本身嘅味定系配料嘅味，食落有啲似鳗鱼。我地加多咗个海胆特盛，有个小型碗仔装住啲饭，饭上面铺咗层层海胆（个人觉得比马粪海胆浓味），如果有放大光线就好喇。900几蚊埋单，但整体质素都对得住呢个价，唔错！
第一轮叫咗唔同嘅刺身：日本真鲷、带子、油甘鱼、三文鱼、牡丹虾、水母。
我从未试过食水母刺身，以为同鱿鱼或者墨鱼嘅感觉一样，点知原来系爽口架，佢本身系冇咩味，所以一定要点个酱，食落索索声，几特别。
其他刺身都几新鲜，冇雪味。
另外再叫咗个𩽾𩾌鱼肝寿司试下，食落味道有啲似鱼春，质地又有啲似鸡肝，一啲都唔腥。
第二轮就试下佢地嘅omakase。虽然冇𠮶啲好高级嘅店面嘅仪式感，但师傅都会逐款寿司介绍同埋建议食嘅次序，都系好pro。师傅建议我地由清淡嘅寿司开始食先，最后先食油脂多同埋浓味嘅寿司，顺序就系牡丹虾，池鱼王，赤贝，平贝，赤鯥，金目鲷，大拖罗，拖罗鲛，萤光鱿鱼，马粪海胆，仲另外送咗两嚿玉子。个人最钟意食拖罗，油香味充满咗个嘴，好幸福呀。其次系金目鲷，唔知系本身嘅味定系配料嘅味，食落有啲似鳗鱼。
我地加多咗个海胆特盛，有个小型碗仔装住啲饭，饭上面铺咗层层海胆（个人觉得比马粪海胆浓味），如果有放大光线就好喇。
900几蚊埋单，但整体质素都对得住呢个价，唔错！
张贴
