山景閣

营业中

休息中

口痕痕想食自助餐，任食蟹脚同生蚝，结果揾到呢一间位于天文台道嘅酒店自助餐。饮品方面选择有咖啡，茶，啤酒。海鲜有基本嘅青口，海虾，蟹脚，生蚝，而且仲有花蟹。生蚝已经预先拆好，唔使排队就有得拎，只只都好大只，几新鲜同埋有海水味。刺身唔多选择，但系三文鱼几肥有油香。生滚粥非常足料，入面好多花蟹嘅肉同埋壳。每位都会送炖汤胡椒猪肚汤，胡椒味好重。西冷牛扒软熟同有肉味。比较少见嘅炸鲮鱼球，蟹钳。呢度冇烧味，不过有海南鸡。甜品都有唔同嘅款式，雪柜有无限Dreyer’s 雪糕，开心果味值得推荐，同埋八点钟有即整班戟，师傅会包忌廉同埋生果。佢仲有一部自制Pancake机，效果比较厚，适合落糖浆。