囍雲天酒家 (已結業)

apm排队撘辘上茶楼劲长龙，于是去左较远嘅囍云天，有报章写呢度用地沟油……门口有告氏澄清左，话唔只一间供应商，咁事实系点就唔知，不过唔知系咪因为咁而受影响，入到去得一半客，劲多吉位，钟意坐边都得。原来已经到左下午茶时段，有好多款特价点心，叫左几样大路野。煎饺子，皮厚，入面啲馅有啲似咸水角，感觉奇怪。鸡包仔，肉嫩多姜丝，正。鲜虾菜苗饺，菜苗新鲜，皮韧，好味。牛肉球，大大粒，多马碲芫茜，正。绵花鸡，鸡好大件又大肥，成层肥膏令人却步，其他料几好，入味。铁观音茶香，水滚，叹返杯茶去油腻，唔错。唔知点解无乜客，侍应主动执碟冲茶，服务唔错。坐位阔落又唔使等，行远啲都抵。