八八八拉麵 (已結業)

以前依个地库舖位系游戏机中心，依家变左做食店，坐系度始终有啲感觉怪怪、有啲局束感觉，可能因为系地牢，而且啲装修唔够有生气挂 ~ 厨房作透视式，只用玻璃相隔，可以清楚望见师父们做紧啲咩。黎依度都系贪近，见系舖头对面，朋友又极力推介，咁就试一试啦。此店特别在大部份既面饭都有正常板及迷您版，咁唔怕食唔晒浪费啦。见侍应们比较生手，对 menu 唔熟识、餐厅运作都唔熟识，埋错单、唔识落 order 咁啦，有待改进。煎日式饺子，几好食，热辣辣，肉香且有点肉汁。烧鲭鱼，鱼味浓，味道唔错，但好多骨呀。落啲鲜柠汁，令鱼味更提升，而且多左清新感觉，减少热气及油腻感。迷你叉烧饭，只系正常板既一半份量。日式叉烧软棉棉又肥美，猪肉腌得入味，香浓美味。白饭一般，无特别，可接受啦。叉烧拉面，睇张相以为系普通豉油汤底，点知饮落十足洋葱汤既甜味一模一样，睇见有大量洋葱丝煲到出晒味、软腍腍。但有阵好浓郁既牙菜味啰，OH NO﹗我最憎牙菜架喇。拉面口感有啲似正版日版出前一丁面咁咽咽靭靭，蛋味未算香浓，而且无弹牙感觉。日式叉烧肥美可口，唔错。