影片
更多
2019-08-22
164 浏览
星期日一行四人，求其喺附近揾嘢食。呢间新嘅茶餐厅，见到佢都花咗几多心思去装修，就排队拎枱试吓。叫咗佢午餐餐牌嘅四样嘢，竟然四样都非常地狱，难得一见！！！我嘅红酒牛腩饭先上，真系不得了，监趸饭咁样嘅卖相，一旧圆形嘅饭放一只碟上面，然后求其放啲牛腩系侧边…味道方面简直童年回忆返晒黎，系中学时代喺学校食饭𠮶啲饭盒，10几蚊一个嘅味道！唯一嘅差别就系啲汁唔系橙色咁样！男朋友嘅越式猪肉饭更加系挑战人体极限，好似沙嗲牛肉饭加只蛋咁嘅样！重点系𠮶个沙嗲汁，咸到不得了！连饭食都顶唔顺！真系地狱厨房当之无愧！好少浪费食物嘅佢都忍唔住要厨房换咗佢。星洲炒米叫正常少少，不过份量系人哋下午茶嘅大细。细佬食蚬肉天使面，又跌入另一地狱，天使面超级淋，而且完全冇味！见到佢系咁落盐同落胡椒粉…大厨嘅味觉系咪有事呢？到老窦嘅菜远牛肉河，老窦话啲牛肉腌到完全冇晒味，松肉粉落得太多，佢话完全唔使𡁻…卖$58.个嘅午餐，四个人食咗二百几蚊，得到嘅味道竟然系地狱嘅出品！完全连影张相嘅心情都冇！老板竟然可以花咁多钱装修，然后面对海宝一条街都系茶餐厅咁大嘅竞争底下，依然有勇气比咁嘅食物出嚟，劲！但呢间野我哋一定唔会再有勇气食，各位
叫咗佢午餐餐牌嘅四样嘢，竟然四样都非常地狱，难得一见！！！
我嘅红酒牛腩饭先上，真系不得了，监趸饭咁样嘅卖相，一旧圆形嘅饭放一只碟上面，然后求其放啲牛腩系侧边…
味道方面简直童年回忆返晒黎，系中学时代喺学校食饭𠮶啲饭盒，10几蚊一个嘅味道！唯一嘅差别就系啲汁唔系橙色咁样！
男朋友嘅越式猪肉饭更加系挑战人体极限，好似沙嗲牛肉饭加只蛋咁嘅样！重点系𠮶个沙嗲汁，咸到不得了！连饭食都顶唔顺！真系地狱厨房当之无愧！好少浪费食物嘅佢都忍唔住要厨房换咗佢。星洲炒米叫正常少少，不过份量系人哋下午茶嘅大细。
细佬食蚬肉天使面，又跌入另一地狱，天使面超级淋，而且完全冇味！见到佢系咁落盐同落胡椒粉…大厨嘅味觉系咪有事呢？
到老窦嘅菜远牛肉河，老窦话啲牛肉腌到完全冇晒味，松肉粉落得太多，佢话完全唔使𡁻…
卖$58.个嘅午餐，四个人食咗二百几蚊，得到嘅味道竟然系地狱嘅出品！完全连影张相嘅心情都冇！
老板竟然可以花咁多钱装修，然后面对海宝一条街都系茶餐厅咁大嘅竞争底下，依然有勇气比咁嘅食物出嚟，劲！
但呢间野我哋一定唔会再有勇气食，各位勇者如果想试一试地狱厨房的话，请挑战！
张贴