影片
更多
2023-04-28
514 浏览
疫情4年冇去呢间酒楼,以前食佢啲点心都叫做好普通,起码叫做放低入口,今日心血来潮,咁啱集齐屋企人,揸车上去怀缅一下山水茶,点知中伏了,呢一世人都未食过咁难食嘅虾饺,老老实实虾饺整得难食,其实难度相当高,如果你话啲虾梅咗小小都可以接受,但系佢啲虾唔系梅咁简单,直头系好似人哋放咗几十年,仲要有啲好奇怪嘅味道,我哋叫𠮶五个点心之后,食完已经唔敢再叫,肠煎肠粉送上嚟好似冇煎过咁冻冰冰,煎茄子亦都一样,绝对赶客嘅水准,五个点心二百几蚊,所以早上得两枱客系正常,以后绝对唔会再帮衬
张贴