Cafe Paradise (砵蘭街) (已結業)

有日同朋友行下旺角，系太子地铁站附近揾到呢间餐厅，真系劲近地铁站，好方便嘅位置～因为已经2点几先入去，所以餐厅冇咩人（好似好空 其实有枱有人嘅😂）食物～西兰花忌廉汤餐汤～一叫完餐就好快上枱～ 好少可饮到西兰花味嘅忌廉汤，其实唔系好重西兰花味 不过好和谐嘅味道蟹籽日式鳗鱼炒饭 $72摆盘好靓😂 炒饭入面有好多鳗鱼粒，加埋日式烧汁同蟹籽嘅味，真系好日式嘅感觉。蟹籽粒粒分明，好有鲜味。个饭炒得好有饭香，个汁味道啱啱好，唔会太咸，仲令到成个饭嘅层次升华。美国水牛城鸡翼酱汁味道酸酸甜甜，又唔会太腻，调味刚好，有啲开胃，鸡肉嫩滑，份量啱啱好。咖啡见到个拉花已经心动咗，奶泡好幼滑，饮落口又唔会遮盖咖啡嘅味，咖啡酸度适中。