茶理史 (已結業)

而家同朋友讲起葵涌广场（葵广），就会谂到小食。食肆多到百花齐放，种类多至百款，由鱼蛋烧卖到中西糕点、汤面，饮料一应俱全。真系饿住嚟饱住走！店舖多自然龙蛇混杂，汰弱留强系龙系蛇，就要睇佢有冇本事喇！茶理史位置响二楼嘅角落位，非常唔显眼兼隐世。见佢已经响葵广多年，可见佢有真本领，今日就试吓啦！芋香鲜乳地瓜小芋圆（热）甜度：半糖因为之前饮过几次同类饮品，觉得佢似甜品多过饮品。如果做成热饮应该会更夹，所以今次就第一次饮热嘅台式饮料！先讲包装个人觉得佢个杯好型，黑底金字，有种低调奢华嘅感觉。饮品方面话系热饮，其实唔会太热，只系微温，暖暖地饮落去好舒服。芋头蓉唔算好滑，饮到芋圆粒，芋头味香浓，同鲜奶好夹！好似饮紧芋头露咁！地瓜＋小芋圆味道偏淡，唔系好分得出佢哋嘅分别，但胜在口感Q弹，比珍珠出色，容易消化。饮完饱晒！味道、服务、环境方面虽然唔系最好，但行过路过可以一试！