添記法式三文治

营业中

休息中

同朋友行庙街，佢指明要行去渡船街揾食，咪即管行去试吓，点知真系有惊喜㖞！这铺的铺面不是很大很抢眼，如果唔系特登揾，真系好易走漏眼。我地好好彩入去时客人不多，但喺我地等侯期间已经聚集了不少人。这铺基本上得两款选择，就系越式三文治同蒜蓉多士，越式三文治有两种尺寸。我要左个细既，再加杯青柠冰。来杯青柠冰出奇地好饮，似系用真正青柠多过系糖水，所以味道好清又唔假，推介由于系即叫即做，所以我地等左差唔多成十分钟先有得食。但三文治一咬落去，就明白好野系要等的道理。法包烤得好香脆，入面的馅料好足，食到尾都有料，唔同的肉饀令三文治好有层次，最钟意系面头的红萝卜，少少酸，所以好醒胃！正！实在太好食喇，所以好似唔够喉，要埋个蒜蓉包试食哗！一食真系不得了，好多出名的店铺都冇佢整得咁好食，蒜蓉味劲香又好香脆，一定要试！估唔到这间外表毫不起眼的小店，居然有这么出色的食品。在今日地产霸权的香港，到处都充斥住连锁店，这些特色小店真系买小见小。真希望这小店可以继续努力，为我们带来有特色的小食。我会继续支持你们的。