蛇王兄 (已搬遷) 新店位置

地产霸权搞到越搬越细！符兴街、新祥街、新成路符兴街交界，依家只放到两张细圆枱，劲阴功啰！转眼食左蛇王兄 3 年喇，第一次黎新舖帮衬，得两三个食客，暂时都坐得舒服，面对大街够开扬，公众就系对面码路劲方便，但公众里面好嗅呢 ﹗ 夜妈妈十点半先返到上水，系时候揾晚餐食喇，好想饮汤，唯有去蛇店啦！人家夜妈妈揾糖水食、揾酒饮，我就去揾靓汤饮，好想饮汤呢！饮汤够喇！ 蛇羹，今晚蛇羹依旧保持高水准，足料蛇肉、瘦肉、木耳丝、冬菇丝、等等，每一啖都塞到满满满的。味浓香甜，质地厚薄适中，唔会食到浆住个嘴，好好味！而且蛇肉结实又弹牙有咬口，配上特浓高汤点可能唔好食呢。一向都会先食几啖原味，之后再加调味料食，但今晚突然想食浓味一点，一开波就加浙醋加胡椒粉薄脆够了 ﹗将质感及味道再次提升。食完蛇羹先饮汤搞到蛇汤淡晒啰，好采都好好味啫！蛇汤，都只系卖剩几碗乍，坚浓郁美味，落足药材，清甜而不苦不涩，热辣辣灌入口份外醒神。蛇汤，要认真地细致品尝每一口，甜美非常，饮得到药材既清香独持味道，非常喜欢、非常吸引 ﹗热腾腾出晒烟送到，更令人有一饮而尽既冲动 ﹗大啖大啖地饮，超乎想想像的美味，饮完全身发滚又兴烚烚，系依个感觉喇