1仔冰室 (已結業)

除咗寿司之外，好耐都冇食过鱼。经过呢间位于红磡既「冰室」，我觉得佢系似茶餐厅多啲，入边有好多地盘师傅喺度开餐，证明啲嘢食一定好够火候，同埋大份夹抵食。个场够大，光速揾到位，光速上餐，光速食完（我食嘢快）😂唔觉意叫咗最后一份豉汁蒸鲩鱼饭 $63，是一份鱼头～ 啖啖肉，钟意食面珠墩肉嘅人有福了。 亦是星期五的午餐精选，送炖汤（你当佢系茶记餐汤，唔好抱太大期望），佢星期一至星期日都有午餐精选，每日都有唔同选择。 冻饮加$3 ，系有柠檬片嘅柠檬茶！唔似其他集团式餐厅嘅冷压柠檬茶，可以自己笃柠檬。餐厅环境好地道，快餐之选。唯独是我坐近道门，可能门铰有啲生锈，啲吱吱声令人感到不耐烦。