金源小館 (已結業)

新年到, 周围约埋朋友食饭团聚团聚。今次约左大学朋友食饭加拜年。湾仔地胆介绍呢间金源小馆。环境方面系差少少, 传统旧菜馆feel。朋友话预先book位会好啲, 冇讲错, 7点去到都已经坐净一枱。伙记安排左楼上嘅枱, 要经过厨房, 拉开门, 沿条窄窄地楼梯上去, 阁楼地方都算窄, 开左冷气, 所以唔会焗。如果要求干净同舒适嘅朋友, 呢度唔啱你地喇。伙记会介绍今日有咩新鲜海鲜, 有套餐同小菜可点。叫左个4人餐, 可选3个小菜, 包例海同清炒蔬菜一碟。半只山东烧鸡, 每枱必点, 鸡肉都嫩滑, 已去骨, 方便食用。淋上劲量蒜粒酱汁, 超正。连埋鸡皮一齐食, 好入味。绝对推介, 必点!!!! 垫底仲有豆腐, 索哂啲汁, 好味。油浸笋壳鱼系呢间店另一名物。真系冇介绍错, 鱼冇腥味, 鱼肉嫩滑, 炸过之后加酱汁。好快就扫清光。虾子山根豆腐都几大碟, 啲汁充满虾子, 豆腐用炸过嘅, 山根豆腐同汁一齐煮索哂啲味。虾子汁仲可以捞饭食。食完仲有免费糖水, 试左南瓜露, 好正, 唔食南瓜嘅我都可以食哂。其实一路睇菜单, 好多嘢都想试架, 例如: 椒盐白饭鱼, 镇江骨等等。下次要约多啲人试多啲款。一路食一路见到