拉麵凪 (已結業)

老板、店员都好热情，认真介绍咗餐牌、食材，同埋推介款式，上菜之后主动提供围裙，见我哋影相影得耐，提醒我哋快啲食。埋单同老板倾，发现原来佢喺东京总店做徒弟学师14年，再返香港开真•分店。*黑骨 $96豚骨汤用西班牙猪骨煲10个钟，浓郁但唔会油腻。咸度、浓厚度、蒜泥，我通通拣普通，重口味但唔咸，绝对可以全部饮晒，而且系我心目中第一名嘅豚骨汤。「黑骨」加入墨鱼汁、黑蒜油、秘制黑酱，先饮啖汤，再捞埋黑蒜免治猪肉碎「黑玉」。整体蒜香味浓郁，但未会过于强烈，但墨鱼汁味未够特出。日式叉烧都系用西班牙梅头猪肉，香而软腍，但不失口感。拉面系幼面，用自家调配”男の气”面粉，有咬口，挂汤挂得啱啱好，我强烈建议拣硬。秘制炎の酱必须加！自家调配辣酱，有啲似韩式甜辣酱，1辣唔够喉啊！豚骨 $91同一个豚骨汤底，加入猪背脂，但相比之下冇黑骨咁惊艳。溏心蛋 $15单单一只溏心蛋充满酱油香、蛋香，蛋黄半熟好似果酱咁，而且就就连蛋黄都有酱油香。