峯日式料理

营业中

休息中

隐藏喺观塘熟食中心一楼嘅日式食店，其实碌FB都见过好几次宣传，不是我唔钟意熟食中心𠮶种好似街市咁地下湿立立嘅地方，仲要坐底食嘢真系唔多想，所以动力好低，经常几次都掉头走⋯今日先决心要去食一次！佢喺一楼即系地面上一层，位置都有啲难揾，差不多行咗一整圈先见到个招牌。（有另一间日本嘢，差啲入错）但入到去好似喺另一个空间咁，环境意外地几舒服。第一次食试咗蒲烧鳗鱼定食，网上见图片卖相唔错！个定食嚟到时，心谂：「咦！饭面冇蛋嘅？」哦，原来之前喺食评见到𠮶张图系「蒲烧鳗鱼蛋包饭」，同午市定食系唔同嘅，不过个Set有跟半只温泉蛋嘅，都OK啦。以呢个价位嚟讲整体唔错，不过鳗鱼控嘅我并唔满足，哈！鳗鱼比较薄身同油香唔够，亦冇乜烧烤嘅香味。鳗鱼同饭都唔够热，鳗鱼饭系特别需要热辣辣咁食，我觉得😤！我已经接近光速影相，最多真系一分钟。另外，想讲讲饮品方面，由门口大大部汽水机，到餐牌嘅抢眼汔水品牌广告位，都睇得出汽水系呢间店嘅定番饮品。不过如果食日本料理，我最想饮会喺日本茶，或者系冰水，哈！讲咗好多挑剔位，其实我并唔系唔钟意呢间店，由布置同食物其实睇得出店主嘅心思，不过对钟意食嘅嘢我会有好多主观嘅睇法。今次食鳗鱼