新海楓茶餐廳

营业中

休息中

呢间茶餐厅，睇外表就知求其地踎是但共冶一炉，只不过因为以前住开呢一区，今日睇早场，顺路就怀旧一下。呢度早餐嘅价钱都得上经济实惠，见到两𩠌面餐$38，竟然配菠萝包夹牛油，劲想试，但卡路里热量太高，肯定食唔晒，于是转头去试香煎牛扒配餐肉煎蛋，上碟一睇牛扒超大件，成只碟占咗一半咁滞，牛扒煎到金黄色，虽然明知道系雪藏牛扒，但系腌肉味道都可以，无话用松肉粉搞到冧pay pat 无味死肉，配左煎蛋都可以，但餐肉就麻麻哋，最美中不足嘅系扒餐竟然冇跟餐包/方包，不过如果生酮饮食，就真系啱啱好。奶茶就一般般，俾一般餐厅算OK，虽然唔系好香茶味，但饮落都算滑口，唔会搞到又苦又涩，都算饮得㗎。总言之， $38早餐，确实系对得住价钱啦。