祥囍煲仔小廚

营业中

休息中

一直知道祥囍出名食煲仔饭，但系冇谂过啲小菜都咁出色，而且价钱亲民，非常推荐朋友或者家庭聚餐嚟食！香脆炸子鸡 ($148 半只 / $258 一只) 👅:99.13分‼️ 必叫炸子鸡！ 鸡皮炸得非常香脆，调味足够，配埋椒盐一齐食更加惹味，最重要肉质非常嫩滑，同行的朋友都边食边赞叹。街坊嘅价钱，酒店级嘅质素。椒盐鲜鱿 ($128) 👅:94.23分炸衣厚度刚好，好脆身，鱿鱼爽口。冰镇梅子骨 ($108) 👅:71.43分 呢个有啲失望。原本以为冰镇会令到梅子骨面头啲糖有脆身嘅效果，即系好似冰糖葫芦咁，但嚟到唔系果回事，餐厅可能想重用啲冰块，加咗层保鲜纸隔住，所以每次梅子骨嚟到仲系热辣辣🥹芥末虾球 ($108) 👅:93.71分 虾球非常弹牙，芥末酱唔会太攻鼻，整个配搭几清新。蒜蓉粉丝蒸娃娃菜($88) 👅:92.44分 呢个菜出乎意外有惊喜，蒜蓉份量非常慷慨，粉丝同娃娃菜都吸收哂啲蒜味。腊肠煲仔饭($78) 👅:88.69分 梅菜肉饼煲仔饭($78) 👅:89.32分 煲仔饭饭焦做得不错，但米饭不太吸收到食材的味道，同埋偏干身。