一杯屋 (已結業)

上星期去咗铜锣湾嘅「一杯屋 」食日本炭烧嘢，呢到嘅感觉十分地道，我都食咗唔少串烧，简直系滋味无穷。乳酸梳打𠮶日唔想饮酒，所以试试佢地嘅梳打。食完串烧饮就好清新。五花腩车厘茄肉质鲜嫩又唔会太肥，烧得啱啱好。第一次试加埋车厘茄咁食，啲汁爆出嚟同啲腩肉味好夹。免治鸡肉串每次食串烧都要叫鸡，哈哈！鸡嫩又滑，好味！五花腩紫苏卷 头先讲咗啲五花腩，呢个卷都好出色。日式炸豆腐外脆内滑，将普通嘅食材提升到极致。炭烧极上牛舌劲大碟。弹牙爽口，加埋炭烧嘅香气真系好吸引。甲罗烧呢个真系超香，蟹膏+蛋我中意！秋葵加木鱼丝有冇人都中意食秋葵？烧完都好多水唔干，原来加啲木鱼丝食都唔错。见到有人食鳗鱼饭好似好正，下次再嚟食！