巷仔內

营业中

休息中

身为观塘人，梗系间中要响观塘揾下啲窿窿罅罅，睇下有乜好食啦！！🥰🥰👌🏻就响地铁站D出口～观塘工业中心～其实大把隐藏小舖，今日发现有一间台湾小店（应该易咗手，因为店名都改埋：「巷仔内」）即管去试下！一行入舖头，感觉装修雅致，木系布置开扬清新。埋嚟招待嘅服务员满口台式国语，原来顶手嘅店长系地道台湾，连店员都有一半系台湾妹，咁肯定地道都得啦！！叫咗半筋半肉牛肉面同埋卤味五选面，老细拣咗个波波厚奶（即系波霸奶茶），我就要个黑糖姜奶配珍珠～佢嘅汤底都几浓郁，牛肉面带一点点酸菜嘅酸味，同埋辣椒粉嘅辣味，几香口惹味～卤水五选面我拣咗：猪肠、卤水鸡翼、百叶豆腐、金菇同埋溏心蛋～满满一碗，份量充足，鸡中翼卤得好入味，猪肠非常淋，简直系大满足！！台式饮品可拣甜度同冰度，自助落单，任君选择，悉随专便～相信平日观塘区返工嘅人又多一个好选择！！