影片
更多
2020-07-04
299 浏览
衬住公众假期同朋友去商场行街食饭shopping下，行到七点几攰攰地就谂住揾间餐厅食饭，突然好挂住台湾嘅牛肉面，好多其他餐厅又食过想有啲新意，决定试一试呢间三星台菜食堂，解一解呢个去台湾旅行嘅瘾。我地大约七点三去到，唔使等位就可以直接入去。坐低之后见到餐牌上面都有好多唔同款嘅牛肉面，仲有唔少台式小食同饮品嘅选择。我地唔算太肚饿，所以只系嗌咗两个牛肉面同两杯饮品。- 红烧三星面 $82餐牌太多选择琳瑯满目，我决定回归基本步叫翻传统嘅红烧牛肉面红烧三星面入面有牛腩、牛肚同埋牛筋，每样𩠌有两至三旧，分量都好合理碗面黎到第一时间梗系饮啖汤先得啦，一入口就食到豆瓣酱嘅味，之后就有少少嘅辣味走出黎个汤底浓味得黎都好顺口，唔食得辣嘅都应该接受到，唔系太刺激嘅辣度黎。汤底好味嘅关系，食到最尾几乎饮哂啲汤，差啲冇哂汤黎配面！！面质方面都算有咬口，煮嘅时间唔会过长煮到烂哂咁，不过个人就偏好再硬少少嘅面。（顺带一提，落单嘅时候店员冇问到我地要咩面，我谂default应该系粗面，下次会想试下刀削面）之后就到𩠌喇，牛腩入味又淋身，绝对唔会咬到牙骹软先呑到；牛肚就非常之弹牙，同样系好重卤水味；最钟意嘅就系牛筋，入
- 红烧三星面 $82
餐牌太多选择琳瑯满目，我决定回归基本步叫翻传统嘅红烧牛肉面
红烧三星面入面有牛腩、牛肚同埋牛筋，每样𩠌有两至三旧，分量都好合理
碗面黎到第一时间梗系饮啖汤先得啦，一入口就食到豆瓣酱嘅味，之后就有少少嘅辣味走出黎
个汤底浓味得黎都好顺口，唔食得辣嘅都应该接受到，唔系太刺激嘅辣度黎。
汤底好味嘅关系，食到最尾几乎饮哂啲汤，差啲冇哂汤黎配面！！
面质方面都算有咬口，煮嘅时间唔会过长煮到烂哂咁，不过个人就偏好再硬少少嘅面。
（顺带一提，落单嘅时候店员冇问到我地要咩面，我谂default应该系粗面，下次会想试下刀削面）
之后就到𩠌喇，牛腩入味又淋身，绝对唔会咬到牙骹软先呑到；牛肚就非常之弹牙，同样系好重卤水味；
最钟意嘅就系牛筋，入味淋身之余仲有少少浆口，系满满嘅骨胶原
三样𩠌都食得出系花咗唔少时间去烹调，唔系马虎嘅作品。
红烧三星面
$82
20 浏览
0 赞好
0 留言
- 埔里花雕三星面 $88
同红烧三星面非常相似，汤底应该系一样，只系加咗花雕酒落去，多咗一股酒嘅香味，比普通嘅汤底更有层次，十分有惊喜。
𩠌方面同上面碗面亦都系一样，唔重覆再介绍喇。
埔里花雕三星面
$88
12 浏览
0 赞好
0 留言
- 黑糖奶茶（加珍珠） $26+5
奇怪地呢到冇提供普通嘅珍珠奶茶，唯有试下呢个黑糖珍珠鲜奶
虽然已经嗌咗少甜，但杯野都系甜到有啲难入口，而且有大半杯都系冰黎，连就咁饮都有啲困难。
败笔系喺珍珠到，大部都系未煮透咁，中间个芯好硬。
呢杯饮品有啲失望，下次会宁愿拣其他。
黑糖奶茶（加珍珠）
$31
104 浏览
0 赞好
0 留言
另外仲嗌咗一杯芝士金宣乌龙$32，奶盖同茶味都正常，系唔错嘅选择黎。
原本冇对呢间餐厅抱有好大期望，始终只系为止瘾，亦都知香港嘅牛肉面质素非常之参差，势估唔到今次会有惊喜，质素不俗之余亦到有好多选择，一定会再黎食，下次会试埋佢地嘅台式小食同埋刨冰！
张贴
