古早味台灣原味 (已結業)

入到餐厅有古色古香既客栈气氛，7点左右仲有少量位置，但过后开始有人龙，要等一阵，所以建议早d黎食。有林林总总既台湾小食，价值可观，eg双味香肠，手抓饼，豆沙饼，醉鸡等。叫左大鸡排卤肉饭($75)，红烧猪软骨面($60)，花枝虾饼($38)，宜兰葱馅饼($28)，细卤水拼盘($68)，奶盖红茶，养颜玫瑰花果茶。葱馅饼有4件，煎得脆，一咬d肉汁流出黎，因为仲热，所以食个阵要小心会热亲，肉少菜多，比例刚好。花枝虾饼炸得好脆，但唔油腻，而且炸粉好薄，而虾肉弹牙，配埋甜酸酱就冇咁热气。鸡排卤肉饭d卤肉份量多，个人觉得卤肉比鸡排更好食，鸡排少少干，不过个外皮唔厚唔会皮肉分离，值得一赞。面食汤底有阵酸酸既味道，因为落左酸菜，令整个汤底好浓郁。加上猪软骨有3大件，够入味，又"林"，个人钟意食硬身少少既面条，所以尼间餐厅既面食合我心意。细卤水拼盘有3款配料，大肠，猪肚，猪腩肉，鸡翼，卤蛋，猪耳，拣左头3款。猪腩肉我觉得口感同猪软骨有d似，但猪软骨多左d软骨，而猪腩肉有层层肥油，唔同口感。猪肚切得唔会过幼，而份量多。玫瑰花茶用茶壶盛起，底座有蜡烛煮热，自己斟，有个细细既透明杯。阵阵花香味，一壶冲到劲多杯，