巷仔內

营业中

休息中

呢间台湾野好近地铁站，D3出口一落去就系，位置黎讲都几方便。发现店员大部份都系台湾人，感觉好有亲切感。晚市有免费无限畅饮，自己出去斟，有冬瓜茶同绿茶。呢到都系QR Code落单，online个餐牌原来有D新产品系原先餐牌冇架。见到有款系手撕巨无霸炸全鸡，如果人少仲有半鸡简。原来炸鸡呢款系平日2:30后就先有，不过星期六日就全日供应。手撕巨无霸炸全鸡 (加芥末椒盐)因为即炸关系，所以呢个要等一等。上台时有少少吓亲，因为份量好大! 而且系超级热，大家可以摊一阵先食，唔系就会好辣 手! 最惊喜系只鸡系好juicy，基本上每撕开佢，D汁都一定会流出黎。所以肉系好嫩滑，每啖都有汁咁。加上鸡皮用埋芥末椒盐，原本就脆口既鸡皮变得更加惹味。古早味香肠鲁肉便当店员都有提供既呢款便当! 鲁肉份量好多，而且调味岩岩好，捞饭食一流。鲁肉肥瘦各半，令到油脂分布平均，每啖都可以吃到油香但又唔腻。炸甜不辣呢个系我心目中台湾小食no.1 ，每次食台湾野都会叫! 呢到炸得好香脆，外面又有椒盐，越食越上瘾!