8Five2 Restobar

营业中

休息中

我一向都钟意食墨西哥美食🇲🇽，朋友提议不如去尖沙咀嘅「8Five2 Restobar」，佢话应该会几啱我口味咁话㖞😛。原来我经过餐厅好多次，但之前一直以为系普通酒吧，实则上内有干坤！网上订枱有折扣优惠，大家唔好错过🈹，再加上餐厅人气好高，唔订位的话好大机会要等位。Buffalo Chicken Nachos鸡肉墨西哥脆玉米片($120)，先嚟Nachos打响头炮，我哋无谂过佢会咁大碟😳，平日佐酒小食嚟啫嘛。环境好暗，但都清晰见到粟米片有红黑两色，虽然食落就无乜分别。粟米片暖暖哋，脆卜卜，并无摊到过晒气。🐔鸡肉份量好多，水牛城烧烤口味微微辣好惹味，佢同时亦加入咗芝士酱同墨西哥辣椒，成个组合夹埋食一啲都唔觉腻。Spinach, Nopales, Cheese Quesadilla芝士菠菜墨西哥酥饼($118)，🌮Quesadilla系我最常食嘅一种，但我敢讲呢度嘅出品系我食过数一数二出色。佢热辣辣送上，流心芝士混入菠菜蓉一解其他菜式嘅重口味，当中更加入咗好特别嘅仙人掌肉🌵。夹饼皮做得到酥脆嘅效果，实属难得。夹饼配以三款特色酱汁，包括蕃茄莎莎、牛油果辣酱同乳酪🥛，后者系我心水，酸酸哋好开胃。