新泰東南亞餐廳 (已結業)

最近心血来潮好想食泰国野，上网揾揾铜锣湾附近有咩泰国餐厅就见到新泰，见评语都唔错就同男朋友两个去食。大概七点几去到餐厅，一入去已经比佢环境吸引左，装饰得好有feel好幽静既感觉，坐落都好阔落好舒服。因为放工实在太肚饿两个人都叫左好多野食，首先黎左野饮，我地叫左椰青沙冰同龙眼冰，个椰青沙冰好惊喜，好有椰香味而且份量好大，饮左一淡就停唔到，超级推荐！龙眼冰就都正常。之后上左椒盐软壳蟹，炒得好香，做前菜啱啱好。之后就到泰国餐厅必点既猪颈肉，都几香口同埋一碟都有好多片，另外配左个泰式既酱汁，我自己就钟意就咁食唔点酱多d🤤主菜叫左菠萝炒饭同南瓜海鲜饭，半个菠萝上面放住热辣辣炒饭，入面有d鸡肉肉松腰果等等，仲食到唔少旧菠萝，去泰国餐厅叫菠萝炒饭永远都唔会中伏，好开胃好好食。另外南瓜海鲜饭就好多南瓜蓉，钟意食南瓜既朋友可以叫黎试下，入面仲有好多款唔同既海鲜🙈最后仲有个鸭肉生菜包，肉碎咸咸地啱配生菜食🙆‍♀️两个人食左好多野，坐左好耐环境舒服，野食质素都唔错好地道泰国菜，而且另带一提服务员全部都好好态度。如果大家心瘾起想食泰国菜新泰系唔错既选择。