影片
更多
2012-06-15
14 浏览
哩间餐厅，真系唔赞唔得… 睇得出哩个老板好有诚意开餐厅：知道马鞍山人多食肆少，所以安咗个咁难读既名，然后再缩喺麻酸乐隔离，费事太出名太多人揾到，结果就系连商场食蕉哥哥都唔知间嘢喺边。一赞 门口reception够忠心：为咗老板多啲生意，五人枱不停叫入，四人枱二人枱半个钟都唔嗌一张飞；幸好友人醒目，等咗廿分钟攞多张五人飞，唔驶十分钟就入得。但入到去发现，张五人枱其实系四人枱加多张椅，仲要加正路中心。咁well use个场，一赞 餐厅十分环保：知道自已啲餐饮马马虎虎，索性二人餐menu中印明只有1杯餐茶。当然，如果你问waitress姐姐，佢系会话你知你有2杯餐茶，menu只是印错... 环保吖嘛，错咗无谓改啦！ 菜式fusion创意十足：牛角包唔跟餐要8元一个，但就crossover咗传统牛角包既外形＋普通餐包的味道；而且为你健康著想，全间餐厅不提供牛油... 反正个汤都难饮到只系试一啖就可以叫佢收走，个面包都预你唔会食啦，冇牛油哩家嘢真系一绝。 waitress姐姐好pro，可以同时应几枱客都仲记得问你个牛柳要几成熟，又记得本小姐要求个汁另上。 坚赞！ 可惜煮
睇得出哩个老板好有诚意开餐厅：知道马鞍山人多食肆少，所以安咗个咁难读既名，然后再缩喺麻酸乐隔离，费事太出名太多人揾到，结果就系连商场食蕉哥哥都唔知间嘢喺边。一赞
门口reception够忠心：为咗老板多啲生意，五人枱不停叫入，四人枱二人枱半个钟都唔嗌一张飞；幸好友人醒目，等咗廿分钟攞多张五人飞，唔驶十分钟就入得。但入到去发现，张五人枱其实系四人枱加多张椅，仲要加正路中心。咁well use个场，一赞
餐厅十分环保：知道自已啲餐饮马马虎虎，索性二人餐menu中印明只有1杯餐茶。当然，如果你问waitress姐姐，佢系会话你知你有2杯餐茶，menu只是印错... 环保吖嘛，错咗无谓改啦！
菜式fusion创意十足：牛角包唔跟餐要8元一个，但就crossover咗传统牛角包既外形＋普通餐包的味道；而且为你健康著想，全间餐厅不提供牛油... 反正个汤都难饮到只系试一啖就可以叫佢收走，个面包都预你唔会食啦，冇牛油哩家嘢真系一绝。
waitress姐姐好pro，可以同时应几枱客都仲记得问你个牛柳要几成熟，又记得本小姐要求个汁另上。 坚赞！ 可惜煮𠮶位唔系好识睇waitress啲字，五成熟变十成，个汁又捞埋落个main course度，结果要劳烦waitress姐姐再搞过... 扣分！
老板极度重视香港传统饮食文化，虽然搞既系意大利餐厅，但身在意大利，心在港式大排档：几组唔识既人齐齐搭枱，唔够位就路中心加椅，再唔系索性安排坐喺厨房对出走廊位，餐刀餐叉满布油光用两张纸先抹得甩，收碟用手推车一次过快靓正，执枱更简单 ﹣将啲垃圾扫落地等落场一次过扫；咁有效率既意大利餐厅，问你见过未！
作为一间地道的大排档，我一定俾满分！！
但点解... 个牌写住系意大利餐厅既...
张贴